“Shqipëria importon 2/3 e mishit”, Sulaj: Vjen kryesisht nga Argjentina dhe Brazili

Nutricionisti Kapllan Sulaj ishte këtë të martë  i ftuar në “Good Morning Albanians” për të folur rreth importit të mishit. Duke qenë se Shqipëria nuk arrin të mbulojë nevojën e saj për mish, mishi shpesh importohet.

Sipas Sulaj, zakonisht importimi i mishit bëhet nga Brazili dhe Argjentina, dy vende të cilat sipas tij ndonëse nuk janë të certifikuara nga BE i plotësojnë të gjitha standardet e higjienës.

“Ne kemi importuar dhe importojmë mish, kryesisht nga Brazili dhe Argjentina. Këta janë dy nga furnizuesit më të mëdhenj për mishin e gjedhit, por edhe të qengjit njëkohësisht. Unë dua të theksoj se Brazili dhe Argjentina i plotësojnë të gjitha standardet e higjienës.

Por ato janë të pacertifikuara, nëse mishi do të vijë nga vende që janë të certifikuara nga Bashkimi Europian, nuk ka asgjë të keqe”,-tha Sulaj në Euronews Albania.

LEXONI GJITHASHTU:

• Tregtia me rajonin| Shqipëria zgjeron import-eksportet, më shumë mallra të këmbyera
• Më shumë birra, më pak kafe! Çfarë u importua më shumë në periudhën janar-mars 2024