Shqipëria në vendin e parë për konsumin e frutave në rajon

Një hartë e publikuar nga Universiteti i Oksfordit, tregon se cilat janë vendet e botës ku konsumohen më shumë fruta.

Sipas kësaj harte Republika Dominikane është vendi i frutangrënësve më të mëdhenj në botë. Njerëzit në ishullin e Karaibeve hanë mesatarisht 387.2 kg fruta në vit. Kjo është e barabartë me afërsisht 1500 mollë ose 2500 banane secili.

Të dhënat e konsumit të frutave, të ndara nga Our World in Data, një platformë e mbështetur nga Universiteti i Oksfordit, janë të disponueshme për 195 vende, mes tyre edhe Shqipëria e cila mban shifrën rekord të konsumit në rajon.

Përsa i përket vendeve të Ballkanit, Shqipëria mban vendin e parë të konsumit të frutave me 190.8 kg fruta për person.

Renditja e vendeve të Ballkanit:

• Shqipëria: 190.8 kg
• Greqia: 142 kg
• Maqedonia e Veriut: 134.27 kg
• Serbia: 131.55 kg
• Mali i Zi: 122.87 kg
• Rumania: 116.46 kg
• Bosnjë-Hercegovinë: 105.62
• Kroacia: 76.22 kg
• Bullgaria: 51.17 kg

Greqia (142 kg), Portugalia (130.5 kg) dhe Italia (129.9 kg) hanë më së shumti fruta nga vendet e Bashkimit Evropian, tregojnë të dhënat.
Ndërsa vendet që konsumojnë më pak fruta janë Zambia (4.6 kg), Çadi (7.1 kg) dhe Togo (7.4 kg).

LEXONI GJITHASHTU:

• BE: Prodhimi i frutave të verës në vitin 2022 ra me 6.3%
• Pse nuk kanë shije frutat dhe perimet? Fermeri: Sot duhet pamja dhe madhësia