Shqiptarët me gomone drejt Anglisë, kreu i FRPD-së: Një tragjedi kombëtare

Kryetari i Forumit Rinor të Partisë Demokratike (FRPD), Besart Xhaferri e ka konsideruar një tragjedi kombëtare, ikjen e shqiptarëve me gomone drejt Anglisë.

Në emisionin “Now” në Euronews Albania, Xhaferri u shpreh se në Shqipëri mungon minimumi jetik dhe se qytetarët janë në një gjendje të rënduar psiko-sociale.

“Ikja me gomone është tragjedi kombëtare, i paorganizuar nga askush, ndodh ky eksod. As nuk është organizuar nga asnjë palë kjo gjë, thjesht qytetarët kanë vendosur, vetëm 40-50 mijë kanë vendosur të largohen. 1/3 e anijeve që mbërrijnë në Angli, e cituar nga vetë kryeministri i Mbretërisë së Bashkuar, janë shqiptarë.

Do të thotë, është gati si gjendje lufte. Këtu mungon minimumi jetik, është një gjendje psiko-sociale aq e rënduar saqë njerëzit marrin guximin për të rrezikuar jetën për t’u larguar”, theksoi ai.

LEXONI GJITHASHTU

• 27 vjet emigrant në Britani, mesazhi i fortë i deputetit të PS
• Gazetarja zbërthen skemën: Si ikin shqiptarët në Angli
• “Kërkoi të flasë shqip”, zbulohen detaje rreth të mbijetuarit në gomone