Shqiptari u arratis nga burgu me dron! Eksperti tregon si e përdori pajisjen…

Eksperti i sigurisë Faik Basha ishte mëngjesin e kësaj të enjteje në “Good Morning Albanians” për të folur për arratisjen e bujshme të shqiptarit Roland Dedja nga burgu i Italisë. Ai thuhet të jetë arratisur me ndihmën e një droni, por si mund të ketë ndodhur kjo?

Eksperti Basha e shpjegoi kështu:

“Mesa kuptova unë ai ka prerë hekurat e dritares dhe ka përdorur çarçafin për të zbritur poshtë. Për të kaluar rrethimin e burgut, pasi burgjet kanë një rrethim  i cili ka një lartësi minimalisht 6 metra. Atij  mund t’i jenë ofruar litarë apo mjete ndihmëse me dron. Sepse nuk ka mundësi të jetë përdorur një dron aq i madh sa mund të ngrejë një person dhe të mos bjeri në sy”,-tha eksperti.

Kujtojmë se i burgosuri Roland Dedja është bërë kryefjala e mediave italiane për arratisjen e tij të sofistikuar nga burgu. Arratisja spektakolare e shqiptarit nga burgu i Teramos, në Itali ngriti në “këmbë” autoritetet por vuri në dukje edhe mangësi të sistemit atje për sa i përket stafit, kapaciteteve dhe të teknologjisë së përshtatshme.

Autoritet italiane janë duke kërkuar 40-vjeçarin shqiptar, ndërsa dyshohet se ndodhet në qytetin e Abruzzos. Sipas asaj që shkruajnë mediat italiane, Dedja është ndihmuar nga një dron i jashtëm.

LEXONI GJTIHASHTU:

• Laert Haxhiu “koka” e bandës së vrasësve me pagesë, zbardhen vrasjet e kryera
• Avokatja: 60% e divorceve në Shqipëri për shkak të ekonomisë, problem bixhozi