Shtatë familje franceze padisin TikTok për dëmtimin e fëmijëve të tyre 

Shtatë familje franceze kanë ngritur një padi kundër TikTok, duke akuzuar platformën për ekspozimin e fëmijëve të tyre adoleshentë ndaj përmbajtjeve të dëmshme që i bëri dy prej tyre të vrasin jetën në moshën 15-vjeçare, tha një avokat i familjeve.

“Padia pretendon se algoritmi i TikTok ekspozoi shtatë adoleshentë ndaj videove që promovonin vetëvrasje, vetëdëmtim dhe çrregullime të të ngrënit,” tha avokatja Laura Bouton Marmion për France Info.

Ajo deklaroi se “prindërit duan që përgjegjësia ligjore e TikTok të njihet në gjykatë”.

“Është një kompani tregtare që ofron produkte për konsumatorët, të cilët janë edhe të mitur. Prandaj, ajo kompani duhet të mbajë përgjegjësi për mangësitë e produkteve që ofron”, tha Bouton Marmion.

Ashtu si Facebook dhe Instagram, TikTok po përballet me qindra padi në Shtetet e Bashkuara mbi akuzat se rrjeti social ka shkaktuar varësi te miliona fëmijë, duke dëmtuar shëndetin e tyre mendor.

TikTok nuk ishte menjëherë i disponueshëm për koment mbi padinë e ngritur në Francë dhe kompania ka thënë më parë se do të marrë seriozisht çështjet që lidhen me shëndetin mendor të fëmijëve dhe përmbajtjen që ofron.

LEXONI GJITHASHTU:

• Pronari i TikTok shkarkon praktikantin për sabotim të projektit të AI
• AMA mbledh përfaqësues të TikTok – drejtuesit e rregullatorëve të rajonit në Tiranë