Qëndrimi me orë të gjata para ekraneve po dëmton shikimin e fëmijëve. Okulistja Suzana Zhuka, tha për emisionin ‘Helath o’clock’ se çdo ditë përballet me prindër që ankohen se fëmijët e tyre nuk arrijnë të shikojnë nga larg.

“Para disa vitesh ishte trendi që kishim anomali të refraksionit, që ishte hypermetropia, pra lentet ishin me plus, ndërsa pas futjes së teknologjisë digjitale dhe përdorimit në mënyrë masive të smartphone, kompjutera, laptop, filloi të ndryshonte dhe trendi i problematikave të syve tek fëmjët. Nga hypermetropia që ishte, ne konstatuam se nga 10 vizita të fëmijëve 3 i kemi me myopia apo astigmatizëm miopik”, tha okulistja.

Zhuka thotë se disa nga shenjat që shfaqin fëmijët me miopi, janë sy të lodhur, sy të irrituar, tharje të syrit, apo dhe lotim i shtuar.

“Deri në 10 vjeç është koha për ta kapur dhe trajtuar miopinë, duhet përcaktuar numri i saktë i syzeve dhe bëhet korigjimi”, shtoi okulistja Zhuka.

Myopia është kthyer në një shqetësim global. Projeksione të bëra nga studiues tregojnë se deri në vitin 2050, 740 milion fëmijë do të jenë miop.

LEXONI GJITHASHTU:

• Teknologjia tek fëmijët, Logopedia: Fëmija qëndron 8 orë në telefon, ja dëmi kryesor
• Syri digjital, okulistja: Teknologjia po dëmton shikimin e fëmijëve