Shtohen rastet e miopisë te fëmijët! Specialistja zbulon shkaqet

Specialistja orthoptiste, Enela Maliqaj tha në “Good Morning Albanians”, se janë shtuar e pritet të shtohen edhe më shumë rastet e miopisë, sidomos te fëmijët e shkak për këtë kanë qenë pandemia, mësimi online dhe përdorimi i tepërt i telefonave.

Ajo tha se pritet që në 10 vitet e ardhshme 2.5 miliardë e popullsisë botërore do të jenë miopë.

“Miopia ka të bëjë me përthyerjen e dritës që nuk fokusohet në retinë, por bie para saj. Në kohët e sotme, covi-di, kalimi i pandemisë, ka  bërë që fëmijët të qëndrojnë në një kohë të gjatë në ambientet e brendshme, mësimi ka qenë online në shumicën e kësaj periudhe, kjo ka bërë që të rritet shumë prevalenca e miopisë.

Shoqata ndërkombëtarë e strabizmit është vënë në alarm pikërisht për këto probleme, pasi mendohet se në 10-vjeçarin e ardhshëm 2.5 miliardë e popullsisë botërore do të jenë miopë”,-tha Enela Maliqaj.

LEXONI GJITHASHTU:

• Japonia vendos sanksione të reja ndaj 80 organizatave të Rusisë
• Kreshnik Spahiu: Ja sfida që ka sot Lulzim Basha