“Si e njoha nga afër Franc Bekenbauerin” – Rrëfehet Altin Rraklli

Kapiteni legjendar i kombëtares gjermane dhe i Bajernit të Mynihut, Franc Bekenbauerin është ndarë nga jeta në moshën 78-vjeçare.

Bekenbaueri ishte një autoritet në futbollin botëror dhe në disa klasifikime ishte renditur si pjesë e formacionit më të mirë të të gjitha kohërave.

Ish-futbollisti i Kombëtares shqiptare Altin Raklli tregoi në një intervistë për Euronews Albania se si ishte takuar nga afër me legjendën e futbollit gjerman.

“Ishte viti i dytë që unë luaja me Frajburgun dhe Bekenbaueri ishte president i Bajernit. Para tre-katër muajsh ne kishim zhvilluar ndeshjen në gjermani me ekipin kombëtar dhe unë kisha shënuar një gol. Në atë kohë lexoj një intervistë të Bekenbauer në median gjermane ku thoshte se Gjermania është ekip i madh dhe ekipet e vogla duhet të trajnohet para se të përballen me të, e kishte fjalën për ne, për Shqipërinë. Pas ndeshjes së skuadrës sime me Bajernin isha me trajnerin dhe na del përballë Bekenbauer, më sheh mua dhe më thotë: djalosh gol i bukur. Dhe unë që i kthehem me ironi, a goli, ishte thjesht një rastësi, se ne shqiptarët nuk dimë të luajmë”, tregoi  Raklli.

LEXONI GJITHASHTU:

• Ndahet nga jeta legjenda e futbollit gjerman Franc Bekenbauer
• ‘Ishte vëllai im’, Bekenbauer për Pelenë: Futbolli humbi më të madhin në histori