Si i shpëtoi drejtësisë Tase, u hetua për lejimin e mbjelljes së kanabisit

Në prill të vitit 2021 Prokuroria e Vlorës do të kërkonte pezullimin nga detyra të 5 oficerëve të komisariatit të Himarë, ndër të edhe të drejtuesit të tij Arjan Tase.

Efektivi policisë, autor i tragjedisë në Himarë së bashku me 5 kolegë të tij u akuzua nga prokuroria për shpërdorim detyre.

Ata më veprimet dhe mos veprimet e tyre kishin favorizuar mbjelljen e 12 mijë bimëve kanabis në disa zona në fshatra të njësisë administrative  Hore Vranisht.

Policia e Himarës nuk kishte marrë asnjë masë në kontrollin e territorit duke ai bërë të lehtë punën kultivuesve të kanabisit.

Hetimi i Prokurorisë ishte i shtrirë në kohë prej 2020 ku ishin zhvilluar disa operacioni policore në këtë zonë.

Vetëm në një aksion policia arriti të shkatërrojë 6790 rrënjë kanabis.

Kolegët e tjerë të Tases që u hetuan ishin Artur Veshaj, nën/komisar, përgjegjësi i krimeve pranë komisariatit të Himarës, Ilir Kadëna nën/komisar specialist për krimet në komisariatin e Himarës, Isa Jaçaj, specialist krimesh në komisariatin e Himarës, David Fakaj oficer patrulle në Himarë.

Prokuroria e Vlorës i dërgoi të pandehur në gjykata këta 5 policë së bashku me 50 persona të tjerë të cilit kishin kultivuar gjithsej 12 mijë bimë kanabis.

Gjithashtu policia gjatë aksioneve sekuestroi edhe 120 kilgramë kanabis. Në përfundim prokuroria  e Vlorës nuk provoi dot akuzën duke pushuar hetimin për drejtuesin e komisariatit të Himarës. Kërkesa e prokurorisë është përcjellë më pas në gjykatë e cila është miratuar.

Me pastrimin e dosjen Tases i lindte e drejta të kërkonte rikthimin në polici dhe kjo  ka ndodhur. Në fillim të këtij viti ai u kthye në detyre me urdhër drejtorit të policisë së shtetit.

Tase mbante detyrën e shefit të policimit në komunitet në policinë e Elbasanit.

LEXONI GJITHASHTU:

• ‘Nuk e vrau varka, por shteti’, protestë për vdekjen e 7-vjeçares në Himarë
• Vdekja e fëmijës në Himarë dhe reagimi i politikës | 5 zhvillime kryesore