“Siç e do tradita”, Ylli Gurra tregon se ku bëhet vizita e parë për Fitër Bajram

Ish-myftiu i Tiranës, Ylli Gura tregoi në një intervistë për “Good morning Albanians” në Euronews Albania se Bajrami i Madh do të festohet pranë familjes dhe besimtarëve.

Ndërkaq ai sqaroi e ka një traditë sa i takon vizitave.

“Ka një traditë të tillë mes shqiptarësh që vizitat e para të Bajramit bëhen tek personat që atë vit kanë humbur një person nga familja dhe në shenjë ngushëllimi dhe respektimi dhe të qenit sa më afër, vizitohen ato,” – u shpreh Gurra.

Ai tregoi se para pak kohësh i është ndarë nga jeta i ati, kështu që pret shumë vizita në shtëpinë e tij dhe më pas do vazhdojë dhe ai me ritualin e festës që gëzon myslimanët anë e mbanë botës.

LEXONI GJITHASHTU:

• Foto| Besimtarët në Elbasan e Durrës festojnë Fitër Bajramin
• Foto| Besimtarët në Korçë e Vlorë festojnë Fitër Bajramin