Siguria rrugore futet si lëndë në shkolla

Ministria e Arsimit dhe Drejtoria e Përgjithshme e Transportit Rrugor kanë firmosur marrëveshjen për futjen e sigurisë rrugore si kurrikul në arsimin parauniversitar.

Këto dy institucione do të punojnë së bashku për hartimin dhe zbatimin e unifikuar të kurrikulës së re të edukimit për sigurinë rrugore.

Kjo marrëveshje e re synon të zhvillojë tek nxënësit njohuritë për sigurinë rrugore, por edhe aftësitë praktike. Nga ana tjetër synon të trajnojë mësuesit për ta përcjellë sa më mirë këtë kurrikul të re tek nxënësit.

Marrëveshja vjen pas zhvillimit të disa orëve edukative në disa shkolla të vendit me kënde të lëvizshme për të stimuluar situata, për t’i edukuar dhe aftësuar nxënësit për sigurinë rrugore. Ministrja Evis Kushi u shpreh se pavarësisht se orët edukative kanë qenë në shumë shkolla të vendit, me mbi 2 mijë nxënës, kaq është e pamjaftueshme.

LEXONI GJITHASHTU:

• Siguria rrugore, Ministria e Arsimit dhe DPSHTRR marrëveshje për kurrikulën e re
• Siguria rrugore | Nis në Prishtinë fushata ‘shpejtësia vret’ kundër aksidenteve