Siguria ushqimore, mjekja: Mishi me salmonelë rrezikon jetën për disa kategori

Rënia në kontakt me salmonelën, si pasojë e ushqimeve të kontaminuara mund  të jetë edhe fatale për jetën. Mjekja infeksioniste Alma Hoxhaj, thotë se klinika e një pacienti mund të jetë nga  e lehtë dhe që kalon brenda 5 ditëve deri e rëndë me prekje të shumë organeve.

“Format më të lehtë janë me diarre, apo temperaturë”, Alma Hoxhaj mjeke infeksioniste

Sigurisht që graviteti i sëmundjes varet nga sasia e salmonelë që marrim, por dhe organizmit. Përveç fëmijëve dhe të moshuarve janë dhe disa kategori që rrezikojnë më shumë.

“Nga salmonela vuajnë më shumë njerëzit që kanë probleme me aparatin tretës, ata që kanë ngushtuar stomakun, që vuajnë nga ulcerat”,-tha mjekja.

Por në kushtet kur jemi të pasigurt për mishin apo ushqimet, mjekja këshillon të jemi të kujdesshëm.

Mjekja rekomandon larjen e duarve para dhe pas çdo veprimi, dhe njëkohësisht shmangien e konsumit të ushqimeve të rrugës.

LEXONI GJITHASHTU:

• Rrëfimi i vrasësit të Ilarias: Isha gati të luftoja për të, gjithçka ndryshoi kur…
• Edi Rama zbulon kur do të hapet fushata e PS për zgjedhjet e 11 majit