“Silvinjo ka rritur meritokracinë në Kombëtare”, Vukaj: Ka sjellë frymë tjetër

Gazetari Erblin Vukaj komentoi në një intervistë për “Goodmorning Albanians” në Euronews Albania situatën në të cilën gjendet Kombëtarja sot duke përgëzuar dhe duke vlerësuar punën e Silvinjos.

Sipas tij, trajneri ka bërë një punë të mirë për të sjellë një energji të re në ekip duke i dhënë vlera meritokracisë e jo nepotizmit.

“Të gjithë lojtarët dëshmojnë se Silvinjo ka sjellë një energji, një bashkim në grup, një frymë tjetër, ka rritur konkurrencën. Për mendimin tim, ka zhdukur gjithë ‘miqtë’, ka rritur meritokracinë, jo kushdo vjen në Kombëtare, ai që e meriton vjen në Kombëtare,” – u shpreh Vukaj.

Në ndeshjen me Ishujt Faroe, sipas gazetarit do të ketë shpërndarje në skuadër edhe me lojtarë që s’kanë qenë shumë aktiv, në mënyrë që lojtarët pak më të fortë të pushojnë.

Vukaj bëri dhe një parashikim të rezultatit duke thënë se minimalisht pret që rezultati të mbyllet 2 me 0 në favor të Shqipërisë.

“Entuziazmi që ka skuadra dhe tifozët bëjnë që të ketë një oreks për të shënuar gola,” – tha ai.

LEXONI GJITHASHTU:

• Kuqezinjtë përballen sot me Ishujt Faroe
• Kuqezinjtë i rikthehen stërvitjes, parashikohen ndryshime me Ishujt Faroe