Sipërmarrësja: E duam gjelin e detit sepse është simbol i fertilitetit

Sipërmarrësja Dhurata Thanasi tha për “Good morning Albanians” në Euronews Albania se arsyeja pse shqiptarët nuk e ndajnë gjelin e detit nga tavolina e Vitit të Ri është sepse ai është simbol i fertilitetit.

Ajo u shpreh se fillimisht gatim tradicional ka qenë pula derisa u zëvendësua me gjelin.

“Gjeli i detit ka ardhur nga jashtë si traditë. Përdorej më shumë rosa, edhe në zonat e Myzeqesë përdorej pata, e kanë edhe sot e kësaj dite, bibën, patën, e përdorin me përsheshin që ata e bëjnë me bukë misri,” – tha sipërmarrësja.

Thanasi shtoi se si simbol i pjellorisë, shqiptarët e marrin gjelin më parë në shtëpi që ta ushqejnë vetë dhe ta shëndoshin para se ta therin për ta konsumuar në natën e ndërrimit të viteve.

LEXONI GJITHASHTU:

• Tradita| Si festohet Viti i Ri në botë
• Thanasi: Bakllavaja e mirë do 8-10 orë që të bëhet