Skënderbeu synon të ruajë formën, Gvozdenovic analizon kundërshtarin

Fitoret e njëpasnjëshme ndaj Kukësit e Erzenit kanë rikthyer entuziazmin tek skuadra e Skënderbeut, e cila bëhet gati për përballjen e parpambetur me Dinamon.

Korçarët nën drejtimin e Ivan Gvozdenovic kanë vijuar seancën e fundit stërvitore, ku të mërkurën në pasdite presin nëndetësen në shtëpi.

Tekniku serb ka analizuar paraqitjet e skuadrës, por sërish ka poguar se dhe këtë javë synim mbeten pikët.

Sinkron-Ivan Gvozdenovic, trajner i Skënderbeut“Deri tani mund të them po, 2 javë 6 pikë janë mirë. Kundër Kukësit e Erzenit, ekipe që ishim afër me pikët. Kukësi ishte treni i fundit, shumë vështirë, jashtë prapë vështirë me ERzenin, jemi shumë të lumtur për pikët. Jemi në rrugën e duhur. Nesër kemi ndeshje delikate. Kemi nevojë për pikët, jemi afër”.

Më tej, sfidën me Dinamon e cilëson delikate.

Sinkron-Ivan Gvozdenovic, trajner i Skënderbeut“Dinamo është mirë, 4-5 javë pa humbje, do luajnë mirë, fitoi dhe ndaj Partizanit, barazim me LAcin jashtë, pra kanë formë të mirë. Kjo është ajo që më bën ta cilësoj delikate, por dhe ne jemi mirë, do bëjmë ndeshje të bukur”.

Sa i përket mungesave, Shaqe dhe Pecani nuk janë në dispozicion, ndërsa pjesa tjetër e lojtarëve janë të gatshëm, mes tyre dhe kapiteni Lico e Rendi Dumfour.

LEXONI GJITHASHTU: 

• Beteja e Assange/ Themeluesi i Wikileaks apelon ekstradimin nga Britania drejt SHBA
• Navalny ndërroi jetë në burg, vëllai i tij në listën e të kërkuarve nga Rusia