Skocezi thyen rekord në ngushticën e mbushur me peshkaqenë

Një skocez ka vendosur një rekord të ri botëror për notin më të shpejtë përtej ngushticës Kuk – ujërat e mbushur me peshkaqenë midis Ishujve të Veriut dhe Jugut të Zelandës së Re.

Andy Donaldson, 31 vjeç, notoi gjatë natës për të përfunduar rrugën 23 km në katër orë e 33 minuta.

Ai ka thyer tashmë rekordin britanik për notimin e Kanalit Anglez dhe u bë mashkulli i parë skocez që notoi nga Irlanda në Skoci.

Ai priti mbi tre javë për kushtet e duhura të erës përpara se të nisej nga Wellington, në fund të ishullit verior të Zelandës së Re, pak para mesnatës së 7 marsit.

Ujërat e përshkuar nga 31-vjeçari janë të njohura për peshkaqenët e mëdhenj të bardhë dhe baticat e forta.

Donaldson mposhti rekordin e mëparshëm, i cili kishte qëndruar për 15 vjet, me vetëm katër minuta.

LEXONI GJITHASHTU:

• Shakira thyen 14 Rekorde Botërore Guinness pas këngës për Pique
• Binjakët e lindur 18 javë para kohe regjistrohen në Librin e Rekordeve Guinness