“S’mund të ma mohosh kontributin”, Merko-Telitit: Më hoqën nga puna se isha me PD-në

E ftuar në emisionin “Now” me Greta Topjana në Euronews Albania ishte ish-nënkryetarja e “Shqipëria Bëhet”, Etleva Merko.

Gjatë bisedës në studio, Merko u përfshi në një debat me përfaqësuesin e Partisë Demokratike, Dorian Teliti, teksa po shprehte kritikat e saj lidhur me ecurinë e punëve në PD.

Teliti e ftoi të ishte më konkrete dhe të tregonte se kush e kishte penguar brenda PD-së, duke e çuar atë drejt një partie tjetër.

Merko u shpreh se në PD pengesë janë figurat e vjetra, ndërsa i tha Telitit se ai nuk mund të mohojë kontributin e saj në këtë forcë politike.

Ajo shtoi se për shkak të këtij kontributi është penalizuar, pasi, sipas saj, është larguar nga puna nga njerëz të PS-së, vetëm sepse menaxhoi si përfaqësuese e PD-së zgjedhjet vendore të vitit 2015 në Delvinë.

“Unë kam 15 vite kontribute në PD. Në 2015 kam menaxhuar si përfaqësuese e PD zgjedhjet në Delvinë, ku nuk kishte askush që të merrte përsipër këtë detyrë. Pasi PS erdhi në pushtet, unë dhe familja ime jemi hequr nga puna. Dhe fakti që unë kam ardhur në Tiranë lidhet me atë që na kanë larguar nga puna vetëm sepse jemi të djathtë, ti nuk mund të ma mohosh dot këtë”, tha Merko.

LEXONI GJITHASHTU:

• Ish-nënkryetarja e “Shqipëria Bëhet” flet për dorëheqjen, sqaron polemikat për nënën