Sondazhi: 1/3 e të rinjve në Gjermani e konsiderojnë të pranueshme dhunën ndaj grave

Një e treta e të rinjve në Gjermani e konsiderojnë të pranueshme dhunën ndaj grave, sipas një sondazhi të ri.

1000 burra dhe 1000 gra iu përgjigjën pyetjeve për sondazhin e porositur nga shoqata bamirëse e fëmijëve “Plan International Germany“, i quajtur “Tensioni i burrërisë”. Sondazhi zbuloi se 33% e meshkujve, midis moshës 18 dhe 35 vjeç, mendonin se ishte “e pranueshme” nëse “u rrëshqiste dora” gjatë një debati me partneren e tyre femër, ndërsa 34% e meshkujve pranuan se ishin të dhunshëm ndaj grave në një moment në jetën e tyre. Madje ata u shprehën se mund t’i japin ndonjë shuplakë partneres për “t’i nxitur respektin”.

Sondazhi zbuloi gjithashtu se 52% e burrave i përmbaheshin konceptit se roli i tyre në një marrëdhënie është të jenë mbajtësi kryesor i familjes, ndërsa vendi i gruas mbetet në shtëpi ku ajo kujdeset për fëmijët dhe detyrat e shtëpisë.

Si pjesë e këtij sondazhi rezulton se 48% e të anketuarve nuk pranojnë që homoseksualiteti të jetohet hapur. Si idhuj të tyre ata kanë përmendur miliarderin Elon Musk dhe influencerin Andrew Tate, që në platformën TikTok paraqitet si urrejtës i femrave dhe që ka bërë emër me deklarata si “femrat janë një simbol ultimativ statusi” dhe “jeta e burrit është luftë”.

LEXONI GJITHASHTU:

• Eksperti: Duan t’i çojnë fëmijët në Gjermani, prindërit as duan t’ia dinë për dijet
• VIDEO| Zjarr në parkun më të madh argëtues në Gjermani, evakuohen vizitorët