Sot jepet masa e sigurisë për Fredi Belerin, mbërrijnë avokatët

Fredi Beleri kandidati i koalicionit “Bashkë fitojmë” për Himarën, do të dalë këtë të shtunë para Gjykatës së Vlorës ku pritet të jepet edhe vendimi për masën e sigurisë ndaj tij. Ai  arrestua në orët e para të së premtes së 12 majit, vetëm 2 ditë para zgjedhjeve vendore.

Korrespondentja e Euronews Albania, Ebrieta Maçi dha më tepër detaje rreth asaj që pritet të ndodh në gjykatën e Vlorës.

“Deri në këto momente nuk ka prani të qytetarëve nga Himara në Gjykatën e Rrethit Vlorë. Pak minuta më herët kanë mbërritur dhe avokatët e zotit Fredi Beleri i cili ndodhet në ambientet e komisariatit të Vlorës.

Ndërkohë një prej të arrestuarve të tjerë, është shoqëruar në spital për shkak të problemeve shëndetësore. Deri në këto momente situata paraqitet e qetë. Prokuroria e rrethit gjyqësor Vlorë ka kërkuar masën arrest me burg për Belerin, ndërkohë që avokatët e quajnë arrestim të pali9ghjshëm dhe kërkojnë lirim për Belerin”,-tha korrespondentja.

LEXONI GJITHASHTU:

• Tentoi të kalontë në kufi 10 emigrantë nga Banglandeshi, arrestohet në 36-vjeçari
• Zyrtari i DASH reagon në mediat greke për arrestimin e Fredi Belerit