Spahiu: Berisha dhe Rama kundër votës emigrantëve sepse nuk i voton askush

Juristi Kreshnik Spahiu tha se Ramës dhe Berishës nuk u intereson që shqiptarët në emigracion të votojnë në Shqipëri.

I ftuar në një intervistë për Euronews Albania ai tha se 2 millionë shqiptarë që kanë braktisur vendin e kanë bërë pikërisht për shkak të politikës së ndjekur nga kryeministri Rama dhe kreu i “Rithemelimit” Sali Berisha, ndaj duke e ditur këtë, këto dy figura të politikës janë përgjegjës për shkeljen e kushtetutës në lidhje me votën e emigrantëve.

“Të treja subjektet nuk kanë asnjë interes që vota e diasporës të përfshihet. Kjo dihet fare mirë.  Është detyrim kushtetues dhe ka qenë gjithmonë i tillë. Tani ka pasur një detyrim nga gjykata kushtetuese. Ka një vendim të gjykatës kushtetuese që e detyron kuvendin e Shqipërisë të krijojë një paketë ligjore, një kuadër ligjor për votën e emigrantëve.

Kuvendi e shpërfill këtë dhe thotë se kuadri ligjor ekziston dhe KQZ-ja duhet ta aplikojë. KQZ-ja thotë se nuk mund ta aplikojë pa shtesa në ligj nga Kuvendi. Është një lloj ping-pongu për të kaluar përgjegjësinë sa te njëra te tjetra.

Një gjë është e sigurt që pas një viti diaspora nuk do votojë. Dihet qartë që në emigracion Ramën dhe Berishën nuk e votojnë, 2 milionë shqiptarë e kanë braktisur Shqipërinë prej Ramës dhe prej Berishës”,-tha Spahiu.

LEXONI GJITHASHTU:

• Spahiu: Rama ka interes që Berisha mbetet lider i opozitës dhe jo liderë të rinj
• Balluku inspekton punën për ndërtimin e godinës së DPSHTRR në Mat: E surprizuar!