Spahiu: Pse 15 deputetë të opozitës s’votuan arrestimin e Arben Ahmetajt?

Juristi Kreshnik Spahiu tha në një intervistë për Euronews Albania se është një pikëpyetje shumë e madhe fakti që 15 deputetë të opozitës nuk votuan pro arrestimit të Ahmetajt.

Ai tha se vetë partia e tij votoi unanimisht, ndërkohë që kundërshtarët u rezervuan me 3 deputetë që abstenuan dhe 12 që nuk morën pjesë.

“Socialistët kishin një precedent tjetër. Kur është bërë kërkesa për arrestimin e Saimir Tahirit, socialistët e refuzuan, nuk e pranuan dhe Saimir Tahiri shkoi në gjykatë i lirë, pra socialistët i mbajtën një qëndrim siç mbante Berisha me të vetët, që nuk e lëshuan. Mund të ndiqnin të njëjtën procedurë dhe me Ahmetaj.

Më bëri përshtypje një gjë. Janë 15 deputetë të opozitës, 3 abstenuan dhe 12 nuk morën pjesë, pra 15 deputetë të opozitës i janë shmangur votimit për të lejuar arrestimin e Arben Ahmetajt. Pra, më shumë ka votuar partia e tij për të shkuar në arrest se opozita. Kjo është një pikëpyetje shumë e madhe se përse opozita hezitoi të votonte arrestimin e Ahmetajt,” – u shpreh Spahiu.

LEXONI GJITHASHTU:

• Spahiu: Berisha t’i drejtohet Gjykatës së Londrës për shpalljen non grata
• Spahiu: Pse opozita s’ka këllqe të protestoj në shesh për dosjen