“SPAK është në vështirësi”, Beçi: Kritikat dhe lëvdatat e dëmtojnë objektivitetin

Ish-prokurori Eugen Beçi ishte këtë të shtunë i ftuar në Euronews Albania ku tha se puna e SPAK-ut është vështirësuar shumë kohët e fundit.

Ai tha se si kritikat e shumta nga një krah politik ashtu edhe lëvdatat nga krahu tjetër ndikojnë dhe ushtrojnë presion te prokurorët, gjë që mund të ndikojë në objektivitetin e tyre.

“Puna e Prokurorisë së Posaçme dhe e Gjykatës së Posaçme në këto kohë është shumë e vështirë. Është bërë shumë e vështirë, pasi kemi dy krahë politik ku njëri po e sulmon e  tjetri po e lëvdon shumë.

Të dyja janë të dëmshme edhe lëvdata e tepërt edhe kritika e tepërt, janë të dëmshme. Ato krijojnë një stres më shumë në punën e tyre të përditshme dhe ndikon minimalisht në objektivitetin e tyre.

Kjo trysni me apo pa të drejtë që krijohet ndaj prokurorëve apo gjyqtarëve të posaçëm do të cedojë në krijimin e një procesit të rregullt ligjor dhe objektiv. Sa më shumë ta lëvdosh dikë dhe sa më shumë ta shash dikë aq më shumë do krijosh trysni në punën e tij”,-tha Eugen Beçi.

LEXONI GJITHASHTU:

• SPAK refuzoi kërkesën e Berishës për të shkuar në parlament, GJKKO shtyn seancën
• Kush është ish-drejtuesi i lartë i policisë që SPAK i sekuestroi 1 mln euro prona