Spiropali: Kemi fituar luftën kundër kultivimit të kanabisit

“Luftën me kultivimin e bimëve narkotike e kemi fituar”. Kështu deklaroi Ministrja për Shtetin Elisa Spiropali gjatë fjalës së saj në Kongresin e Partisë Socialiste.

Ajo nënvizoi se Shqipëria nuk është më pjesë e vendeve problematike në prodhimin dhe shitjen e drogës.

“Ne socialistët nuk kemi diferencë me fjalëve dhe veprimit. Kjo na dallon nga të tjerët. Kjo më kujton luftën që kemi bërë kundër kanabisit. Në një luftë ka edhe beteja që humben por e rëndësishme është që të fitohet lufta dhe luftën me kultivimin e bimëve narkotike ne e kemi fituar. Shqipëria ka dalë nga harta e vendeve problematike në këtë drejtim”, u shpreh Spiropali.

Këtë të shtunë Partia Socialiste po zhvillon Kongresin, i cili nisi me 5 panele të hapura diskutimi, në varësi të sektorëve.

Në fillim të Kongresit të socialistëve u këndua himni shqiptar si edhe ai ukrainas.

1007 delegatë marrin pjesë në kongres,  teksa priten ndryshime në statutin e PS-së. Një ndër vendimet që pritet të marrë sot Kongresi është ndërprerja e mandatit të kryetarëve të degëve.

LEXONI GJITHASHTU:

• Kongresi i PS-së zhvillohet në panele të hapura diskutimi