Pedagoget për abetaren alternative: Udhëzues në jetën e përditshme të fëmijëve

Pedagoget Dhurata Shehri dhe Linda Mëniku sqaruan se abetarja alternative do u mësojë fëmijëve  qytetarinë ndërsa shtuan se abetarja është një udhëzues në jetën e përditshme.

Të ftuara në emisionin “Good Morning Albanians” në Euronews Albania, ato thanë se janë përpjekur që të bëjnë një abetare në mënyrë që t’i ofrojnë fëmijëve realitetin por edhe fantazinë.

“Ishte libri më i vështirë që kemi bërë. Jemi grindur për S, për Ç. Jemi përpjekur që të tërheqim fëmijët me histori të bukur, me histori që edhe të kënaqen. Ne jemi afruar më shumë të fëmija duke iu ofruar edhe realitetin dhe fantazisë”- u shpreh Shehri.

“Kemi bërë një abetare që t’u mësojë fëmijëve përveç të tjerave dhe me qytetarinë, me rregullat e ecjes në rrugë me një edukatë ushqimore të mirë. Është një udhëzues në jetën e përditshme që ta shohin botën me rregullat e saj por në mënyrë të ëmbël”- thekson Mëniku.

LEXONI GJITHASHTU: 

• Shezai Rrokaj: Abetarja e përbashkët, përvojë e 20 abetareve europiane
• Dalipaj: Diktatura bëri krim me përcaktimin e standardit të gjuhës shqipe