“S’reaguan për vrasjen në Shëngjin”, Burimi: I habitur nga heshtja e ndërkombëtarëve

Gazetari Genc Burimi, i ftuar Euronews Albania tha se kryeministri Rama, apo një anëtar i qeverisë duhet të kishte shkuar patjetër në Shëngjin, vend ku një ditë më parë ekzekutua biznesmeni dhe eksponenti i politikës, Ardian Nikulaj.

Sipas tij këto krime në kohë të fushatës elektorale duhet të shikohen më me vëmendje dhe politika duhet të qetësojë publikun e gjerë. Gjithashtu ai tha se është I habitur nga heshtja e ndërkombëtarëve për këtë ngjarje.

“Në këtë moment fushate duhet të kishte shkuar një anëtarë i qeverisë, në mos vetë Kryeministri, për të treguar që jemi në fushatë dhe këto lloj krimesh nuk tolerohen. Gjithashtu duhet të ndryshojë legjislacioni, siç vihen çmime për kapjen e kriminelëve të mëdhenj, të vihen çmime për të zbuluar krimet në kohë zgjedhjesh elektorale.

Jam habitur nga heshtja e ndërkombëtarëve nga OSBE, nga ODIHR-i, duhen mesazhe për qetësi që të qetësohen gjakrat, që të qetësohet publiku. Ndërsa në Shqipëri e vetmja deklaratë ishte ajo e Spiropalit, një deklaratë surrealiste”,-tha Genc Burimi.

LEXONI GJITHASHTU:

• Humbi ndjenjat teksa ngiste makinën, ndërron jetën taksisti në Tiranë
• Gazetari: Hapja e fushatës së Berishës, e gabuar në mesazh dhe përmbajtje