Strategjia kombëtare e shëndetësisë, Lahe: Buxheti u ul 18%, Rakacolli e kundërshton

Prezantimi gjetjeve nga monitorimi që shoqata “Together for life” I ka bërë startegjisë Kombëtare të Shëndetësisë ka mbledhur në një tryezë, eskpertë, përfaqësues të organizatave ndërkombëare dhe vendase si dhe drejtues të instancave shëndetësore.

“ Ajo që bie në sy që në fillim dhe problemi më i madh është nënfinancimi i shëndetësisë. Në nivelin 18% më pak se sa është parashikuar në vetë strategjinë, kjo reflekton një qasje për shëbime jo cilësore. Një buxhet i ulët do të thotë kosto më të larta nga xhepi i pacientëve dhe një raport i fundit i OBSH, Shqipëria ka nivelin më të lartë të pagessave nga xhepi që shkon në 59,7%. Ndërkohë që vetë strategjia parashikon që ky nivel të ulet në 40% deri në vitin 2025, gjë që është e pamundur”, -Alma Lahe TFL.

Zëvendësmnistja e shëndetësisë Mira Rakacolli tha se raporti ka pasaktësi pasi është parë vetëm një pjesë e buxhetit, ndërsa sqaroi se atij i bashkangjitet edhe buxheti nga sigurimet dhe një pjesë nga buxheti i Ministrisë së Mbrojtjes për shkak të spitalit të traumës.

“Buxheti i parësorit në vitin 2020 ka qenë 7 miliard e diçka nga kontributet ka qenë 12 miliard ndërsa në vitin 2024 ka qenë nga mbuxheti 5 miliard por nga kontributet ka qenë 20 miliard pra jo vetëm që nuk është ulur por është rritur 27%, të tilla detaje janë të ndjeshme në dokument”,-tha Mira Rakacolli zv/ministre e Shëndetësisë dhe Mbrojtjes Sociale.

Sipas raporti të hartuar nga shoqata “Together for Life” Shqipëria rezulton vendi i fundit në rajon sa i takon shpenzimeve për shëndetësinë dhe i pari për pagesat nga xhepi ndaj ato kanë rekomanduar që të ketë  rritje të buxhetit për shëndetësisë dhe mirëadministrim të të ardhurave.

LEXONI GJITHASHTU:

• Buxheti faktik në Kuvend, Balluku: 2023 do mbahet mend si viti i rritjes së pagave
• Buxheti për 2025-ën do të jetë 8.2 miliardë euro: Ulet borxhi, shtohet administrata