Studiuesi shqiptar në SHBA: Ka skepticizëm ndaj planit të Trump, roli i Putinit

Gjatë një lidhje për emisionin “Balkan Talks”, studiuesi shqiptar në SHBA, Erdoan Shipoli, komentoi zhvillimet e fundit lidhur me planin 28-pikësh të Shteteve të Bashkuara për arritjen e një marrëveshjeje paqeje mes Rusisë dhe Ukrainës.

Sipas Shipolit, propozimi i sjellë nga administrata amerikane ka shkaktuar debate të forta si brenda SHBA-ve, ashtu edhe në skenën ndërkombëtare, sidomos për mënyrën se si balancohet raporti i forcave mes dy vendeve në konflikt.

Shipoli shpjegoi se, ndërsa Uashingtoni po përpiqet të shtyjë përpara negociatat, reagimet e palëve të përfshira – sidomos ato të Moskës – tregojnë se procesi po zvarritet qëllimisht për arsye strategjike.

“Ky plan i jep Rusisë një dorë shumë të fortë. Kjo i është kthyer edhe Trump-it në bumerang në Amerikë, dhe një kompani që bën anketa ka publikuar një hulumtim ku amerikanët nuk e shohin këtë plan si të favorshëm, pavarësisht se është inicuar nga Presidenti Trump. Trump e ka marrë një hap duke u thënë palëve: ‘Ejani ta zgjidhim këtë problem’. Është një hap i parë, dhe në të njëjtën kohë një person i afërt me Zelensky-n ka thënë se po e trajtojnë me seriozitet, dhe Ukraina e ka pranuar këtë më shumë sesa vetë rusët. Presidenti Putin po e zvarrit këtë punë pak më gjatë për të fituar më shumë kohë. Po shoh që Putini nuk e ka pranuar këtë dhe po luan me kohën”, tha ai.

LEXONI GJITHASHTU:

• “Rusia po intensifikon ofensivën”, gazetari: Putin po përgatit mësymje të re…
• Presidenti rus Putin dhe kryeministri hungarez takohen në Kremlin