Svelça: Armatimet që gjetëm kapin vlerën 5 milion euro, janë të viteve 2021-2022

Ministri i Brendshëm Xhelal Svelça ka dhënë një intervistë ekskluzive për Euronews Albania ku foli në lidhje me situatën në Veri të Kosovës, ku si pasojë e shkëmbimit të zjarri u vra polici Afrim Bunjaku ndërsa u plagosën dhe tre sulmues.

Ai tha armatimet që gjetën kapin vlerën 5 milionë euro, ndërsa shtoi se po kërkojnë dhe për armatime të tjera.

Më tej ai nënvizoi se armatimet janë të prodhimit 2021 dhe 2022.

“Dje kemi pasqyruar një pjesë të armatimit të kapur. Armët nuk  mund të gjenden në treg të zi, janë armë të ushtrisë serbe, janë të prodhimit 2021. Ka mina që janë prodhuar në vitin 2022. Nuk janë mbetje të luftërave të vitit ’90. Vlera e  gjithë armatimit të gjetur është rreth 5 milion euro. Askush nuk mund ta mbuloj një armatim të tillë”-tha ai.

LEXONI GJITHASHTU: 

• Po pinte kafe në lokalin e tij, si u ekzekutua Bardhi. Autorët u larguan në këmbë
• Ish-luftëtari zbulon planin e serbëve: Donin përballje me KFOR, të nisnin luftë