Tabaku: Fatkeqësi, deputetët e PD e përdorën foltoren për të sulmuar njëri-tjetrin

Deputetja e PD-së Jorida Tabaku në një intervistë për Euronews Albania është shprehur se PD ndodhet sot në këtë betejë për shkak të vendimit që mori Amerika ndaj Sali Berishës që e shpalli “Non Grata”.

Ajo theksoi se PD është sot e ndarë në tre pjesë duke theksuar se është e drejta e Berishës ta çojë betejën me SHBA deri në fund.

Mes të tjerash ajo nënvizoi se opozita tashmë ta fokusojë betejën me kundërshtarin, pra me mazhorancën.

“PD ndodhet sot në këtë betejë për  prej një vendimi të Amerikës. PD sot është e ndarë në tre pjesë  dhe unë kam mbajtur një qëndrim parimor që atëherë dhe këtë qëndrim po mbaj dhe sot. Ajo që ndodhi me Berishën është e padrejtë, por ndodhi. PD duhej të merrej me të, nuk mundej që të ndalonte. Në këtë betejë, Berisha nuk duhet tërhequr. Berisha e ka me SHBA dhe duhet të vazhdojë ta mbajë me SHBA.

Nuk është një gjë e lehtë. Secili prej nesh po bën llogari të karrierës personale duke mos çeduar në parime. Fatkeqësia më e madhe në këtë periudhë për PD është se e kemi përdor foltoren dhe Kuvendin për të sharë njëri-tjetrin dhe nuk ka pasur kënaqësi më të madhe se sa të shikoje Elisën me shoke dhe shoqe që kënaqeshin për dëmin vrastar që i bënim njëri-tjetrit. Ne duhet ta fokusojmë betejën tonë me kundërshtarin”-tha Tabaku.

LEXONI GJITHASHTU: 

• “Luftë deri në fund”, Izraeli shpërfill presionin ndërkombëtar: Hamas do asgjësohet
• “Me kë do të kandidoni në 2025-ën, me Berishën apo Bashën?”- Ja si përgjigjet Tabaku