Takimi në Athinë, Rama për mediat greke: Nuk ka asnjë lidhje me Belerin

Për kryeministrin Rama vizita e tij një ditë më parë në Athinë me shqiptarët nuk ka lidhje me Fredi Belerin. Gjatë një prononcimi për median greke ‘Star’ Rama thotë se kjo është histori e politikës greke dhe jo e Shqipërisë.

Gjatë takimit me shqiptarët një ditë më parë në Athinë, kryeministri Rama ka dhënë interivsta edhe për mediat greke. Gjatë një prononcimi për median ‘Star’, kryeministri shqiptar kur pyetet për 12 majin, që përkon me datën e arrestimit një vit më parë të Fredi Belerit për blerje votash, deklaron se kjo nuk ka asnjë lidhje me të dhe se kjo është historia e politikës greke.

“Nuk ka pyetje, nuk ka histori për ne. Kjo është historia e politikës greke. Nuk është historia jonë dhe nuk ka të bëjë me ne”, tha Rama.

Duke ju referuar marrëdhënieve mes dy vendeve, Rama tha se qytetarët e Greqisë dhe Shqipërisë meritojnë më të mirën.

“Shpresoj se do të arrijmë të bëjmë diçka që përputhet me marrëdhëniet fantastike mes njerëzve të zakonshëm të Greqisë dhe Shqipërisë. Ata meritojnë më mirë dhe ne duhet t’u japim politika shumë të ndryshme”, tha Rama.

Takimi i së dielës në stadiumin ‘Galatsit’ shënoi nisjen e një turi takimesh që kreu i qeverisë do të mbajë edhe me shqiptarët në Milano, Londër dhe Dyseldorf.

LEXONI GJITHASHTU:

• Rama mesazh Mitsotakis: Eshtë koha e mirëqënies dhe lirisë, të jetojmë në harmoni
• Rama nga Athina: Si ka mundësi që edhe pas 84 vjetësh Ligji i Luftës është në fuqi
• “Grekëve në Shqipëri s’i mohohet asnjë e drejtë”, Rama: Kërkojmë të njëjtin respekt