“Taksa progresive nxiti informalitetin”-Tabaku: Taksimi i sheshtë ishte i suksesshëm

Deputetja e Partisë Demokratike Jorida Tabaku ishte këtë të mërkurë në “Now me Erla Mëhillin” në Euronews Albania ku tha se taksa e sheshtë ka qenë më e sukseshme se taksa progresive në Shqipëri.

Sipas saj vende me karakteristikat dhe zhvillimin ekonomik të Shqipërisë e kanë më të nevojshme një taksim të tillë pasi sipas saj sjell nivel më të lartë në buxhetin e shteti.

“Nuk e krijon taksa e sheshtë gropën e buxhetit, por ligjet speciale. Taksa e sheshtë që ka prezantuar Partia Demokratike, do të shoqërohet edhe me kodin fiskal. Kodi fiskal është vendosja e parimeve fiskale në një ligj, kod, i cili nuk ndryshon dhe është një marrëveshje me biznesin. Çfarë ka ndodhur me taksën progresive?

Kjo taksë ka nxitur informalitetin dhe ka nxitur artificat, rasti i profesionistëve të lirë është një rast artifice. Taksa progresive është nxitja më e madhe e informalitetit dhe mos pagesës së sigurimeve shoqërore, dhe për pensionet. Parimi i Partisë Demokratike me një taksë të sheshtë e cila shkon në çdo sektor, se plani ishte që të shtrihej njëjtë në ekonomi dhe çdo vend që ka karakteristikat e Shqipërisë dhe zhvillimin ekonomik të Shqipërisë ka nevojë për një taksë të tillë. Ajo ka qenë e suksesshme, ka sjellë nivel më të lartë të të ardhurave”,-tha Tabaku.

LEXONI GJITHASHTU:

• Ministrja Ibrahimaj: Biznesi i vogël në Shqipëri, më i favorizuari në taksim
• Programi i PS, Ministrja Ibrahimaj zbulon se kur do bëhet pensioni mesatar 400 euro