Pedagogu Rezart Prifti ishte këtë të diel i ftuar në një intervistë për Euronews Albania ku foli rreth taksimit të profesioneve të lira.

Ai tha se taksimi ndaj këtyre profesioneve që herë kanë punë çdo muaj e herë jo, në formë paradhënie, është totalisht i padrejtë. Ai shtoi se profesionet e lira patjetër duhet të taksohen, por taksimi i tyre duhet bërë në përputhje me formatin e secilit profesion dhe tatimi duhet të merret në burim.

“E para është principi, e dyta është teknika, e para më thuaj çdo bësh me këto taksa që të them unë e meritoj unë 28%? Pse unë 28% ndërsa korporata taksohet 8%, njëherë taksohet edhe ajo. A duhet të taksohet profesionisti i lirë? Absolutisht po, por duhet të merret parasysh formati i secilit profesion që ti takson.

Profesionisti i lirë ka një karakteristik, një muaj ka punë, tre muaj mund të mos ketë punë fare. Duhet të tatohet në burim, siç tatohen në gjithë dynjanë. Unë marr 100 euro nga kjo kontratë, 15% ia jap këtij të mallkuari shtet. Në momentin që unë marr punën të jap taksën, por jo kur unë nuk kam punë ti më kërkon tatimin paradhënie”,-tha Rezart Prifti.

LEXONI GJITHASHTU:

• Gjykata Kushtetuese pranon padinë e PD për taksimin e profesioneve të lira
• Taksimi i profesioneve të lira, Pano Soko tregon cilat janë ato që do paguajnë 23%