“Të armatosur po rrëmbejnë fëmijë e të moshuar” – Rrëfimi i shqiptares në Tel Aviv

Felicita Jakoel, kryetare e shoqatës së miqësisë Shqipëri-Izrael tregoi në një intervistë për Euronews Albania situatën e tmerrit që po përjetojnë njerëzit në Izrael për shkak të sulmeve të njëpasnjëshme të Hamasit gjatë dy ditëve të fundit.

Ajo tha se në 30 vjet që jeton në Izrael, kjo është situata më e vështirë që ka përjetuar, me pamje që siç u shpreh, i risjellin këtij kombi kujtimet e holokaustit.

“Në këto 50 vitet e fundit Izraelit ka kaluar me qindra sulme terroristë po kjo që ka ndodhur këto dy ditë është tragjike, që njerëz të armatosur gjer në dhëmbë futen në shtëpitë e njerëzve, fëmijë disa muajsh, pleq, nuk kursejnë asnjë. Pamjet që jepen në TV janë shumë tronditëse si pamje të Holokaustit. Kjo që ka ndodhur këto ditë është shumë më e tmerrshme se një luftë, se në luftë përballen ushtri. Ata janë sjellë me popullatën njësoj si nazistët. Kemi të bëjmë me një organizatë nga më të rrezikshmet në botë që mbështetet nga një regjim i errët si Irani dhe me të duhet të përballet Izraeli. Janë si ISIS, janë fanatikë, të pamëshirshëm dhe qëllimi i tyre është zhdukja e shtetit të Izraelit”, tha ajo.

LEXONI GJITHASHTU:

• Ambasadorja e Izraelit tregon 2 shtetet e fuqishme që qëndrojnë pas Hamasit
• “Hamasi u përdor nga Rusia”! Eksperti: Prapa sulmit ka pasur strategë shtetërorë