Të mërkurën rikthehen reshjet, shtatori me temperatura deri në 35 gradë

Anira Gjoni nga IGJEUM tha për Euronews Albania se nuk pritet të ketë përkeqësim i motit në ditët në vijim. Moti do të vijojë të jetë i paqëndrueshëm por nuk do të ketë reshje deri të mërkurën.

Të mërkurën do ketë reshje të dobëta shiu por nuk priten situata problematike siç ndodhi ditën e shtunë. Do ketë ditë me diell përgjatë shtatorit, ku temperatura do vijnë në rritje, po jo me shumë se 30 gradë.

“Ditën e nesërme temperaturat maksimale do të arrijnë deri në 27 gradë. Do ketë një rritje të martën kur temperaturat maksimale pritet të shkojnë deri në 30 gradë, ndërsa të mërkurën pritet një rënie e lehtë. Java e dytë e shtatorit do të jetë me temperatura më të larta, po jo më shumë se 35 gradë”, tha Gjoni.

LEXONI GJITHASHTU:

• Moti i keq pezullon lundrimet e varkave në portet e Vlorës e Durrësit
• Kapiteneria e Portit Sarandë ndalon lundrimin për shkak të motit të keq