Tensionet në Veri, analistja: “24 shtatori” s’mjaftoi që BE të sanksiononte Serbinë

Analistja Alma Lama është shprehur se furnizimi me armë i grupeve kriminale në veri të Kosovës, të cilat kryen edhe sulmin e 24 shtatorit, ku humbi jetën një polic, nuk mjaftuan që BE të sanksiononte Serbinë.

Komentet Lama i bëri përmes një lidhjeje në Euronews Albania, ku tha se Kosova është sanksionuar nga BE për gjëra shumë më të vogla se kaq.

Ajo tha gjithashtu se çdo fundvit mblidhen krerët e BE e diskutojnë dhe Kosova do të jetë pjesë e këtyre diskutimeve.

“Nuk ka asgjë të re lidhur me çështjen e masave pasi kemi pasur deklarata të Borrell që ka thënë Kosova duhet të bëjë më shumë në çështjet e zbatimit të ligjit, ku bëhet fjalë për Veriun e Kosovës. Masat janë marrë për situatën e tensionuar në Veri.

Masat që ka ndërmarrë qeveria një nga këto ka qenë zvogëlimi i numrit të policëve në Veri, të cilat nuk kanë mjaftuar, pasi duhet të merreshin pasi të bëheshin zgjedhjet në Veri sipas BE. Kosvës i kërkohet drafti për asociacionin, që është autonomi territoriale dhe politike për serbët që nuk mbështetet në marrëveshjen e vitit 2013 dhe në Kushtetutën e Kosovës. Çdo fundvit mblidhen krerët e BE e diskutojnë dhe Kosova do të jetë pjesë e këtyre diskutimeve.

Ne patëm situatën e 24 shtatorit ku Serbia kishte mbështetur me armatim Radoiçiçin dhe kjo nuk mjaftoi që Serbisë t’i vendoseshin sanksione. Kosovës iu vendosën sanksione për gjëra shumë më të vogla”, është shprehur Lamaj.

LEXONI GJITHASHTU:

• Takimi i “Pesëshes” me Kurtin/ Lajçak: Normalizimi, më urgjent se kurrë
• Lajçak i përgjigjet Kurtit: Kur s’të pëlqen mesazhi, përpiqesh të sulmosh lajmëtarin