Tentoi të vriste me thikë një person, arrestohet në flagrancë 36-vjeçari

Një 36-vjeçar me inicialet F.K. është arrestuar në flagrancë pasi tentoi të vriste me thikë një 65 vjeçar. Ngjarja ka ndodhur në qytetin e Vlorës ditën e djeshme dhe mendohet se ka ndodhur për motive të dobëta. Mësohet se 65-vjeçari me inicialet A.SH. është jashtë rrezikut për jetën.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme

“Tentoi të vriste me mjet prerës (thikë), një shtetas, pas një konflikti për motive të dobëta, falë ndërhyrjes së menjëhershme të Policisë, arrestohet në flagrancë 36-vjeçari.

Shërbimet e Komisariatit të Policisë Vlorë, menjëherë pas marrjes së njoftimit se një shtetas kishte tentuar të vriste me thikë një shtetas tjetër, në lagjen “10 Korriku”, kanë organizuar punën, me qëllim identifikimin dhe kapjen e autorit,  si dhe për zbardhjen e rrethanave të rastit.

Falë ndërhyrjes së shpejtë dhe veprimeve profesionale policore, u bë i mundur arrestimi në flagrancë i shtetasit F. K., 36 vjeç, banues në Vlorë, pasi dyshohet se ditën e djeshme, pas një konflikti për motive të dobëta, ka tentuar ta vrasë, duke e goditur me mjet prerës (thikë), shtetasin A. Sh., 65 vjeç, banues në Vlorë, i cili ndodhet jashtë rrezikut për jetën”,-thuhet në njoftimin e policisë.

LEXONI GJITHASHTU:

• “Jam e vetmja që nxjerr të ardhura në familje”- Alma Kaçi kërkon lirinë në Apel
• Makina ‘fluturon në ajër’ kalimtarin në Vlorë, arrestohet drejtuesi i mjetit