Thirrja e pastorit: Mos shpenzoni kohë dhe para me fallxhoret mashtruese

Pastori Paulin Vilajeti bëri një thirrje për qytetarët në një intervistë për “Good morning Albanians” në Euronews Albania. Sipas tij paratë dhe koha nuk duhen shpenzuar me fallxhore mashtruese.

Sipas pastorit nëse ka një problem që rëndon gjendjen e dikujt, atëherë ai duhet të trajtohet në forma mjekësore dhe jo nëpër fallxhore.

“Mos e shpenzoni jetën tuaj që ka aq shumë vlerë për t’u marrë me këta njerëz të cilët jua zhvlerësojnë të ardhmen tuaj duke jua paraqitur në mënyrën më mashtruese të mundur e cila ju vetëm sa ju vendos në ankth dhe nuk ju sjell asnjë lloj përfitimi,” – u shpreh Vilajeti.

Ai tha se njeh dikë që frekuenton çdo fallxhore të mundshme dhe nuk po e bind dot që të heqë dorë.

LEXONI GJITHASHTU:

• Presidentja sllovake nuk synon mandat të dytë: Fati i shtetit nuk varet nga 1 person
• ‘Fati’ i Armando Brojës, trajneri Pochettino merr vendimin, sulmuesi lë pas dëmtimin