T’i japësh vlerë gjërave të përdorura, njihuni me 34-vjeçarin që rregullon gjithçka

Diçka që thyhet nuk ngjitet më. Kjo shprehje, nuk përfshin Valter Marashin. Prej 5 vitesh, puna e tij është të blejë karrige dhe tavolina të përdorura, t’i rregullojë dhe t’i shesë ato.

“Kam pasur një linjë lokalesh dhe kur mbylla aktivitetin, lindi nevoja për të shitur pajisjet dhe moblijet dhe u shitën menjëherë. Duke u thënë njerëzve që kam karrige për të shitur dhe ata kur kishin nevojë m’i sillnin mua dhe thashë ky qenka biznesi ideal”, tregon ai.

Për të nuk ka qenë fushë me lule. I është dashur ta nisë nga zero. Por dëshira për të punuar, ka qenë më e madhe sesa, sfidat që të përball jeta.

“Unë që jam sot këtu mund të kem hapur dhe mbyllur mbi 10 akivitete, kanë falimentuar dhe as nuk e kam ndërmend të dorëzohem”, shprehet ai.

Vet zot, vet shkop. Valteri, punën e tij, nuk ja beson kujt. Atë e gjen, me një kostum sportiv dhe duke punuar. Të rinjtë, na thotë vijnë kërkojë punë, por lodhen shumë shpejt.

“Të rinjtë mesa shohim dhe kemi kontakt i duan gjërat gati. Shumcia nuk e marrin iniciativën që të punojnë, të përkushtohen për t’ja filluar një gjëje nga zero”, tregoi i riu.

34-vjeçari, thotë se nuk e ka në plan të largohet nga Shqipëria, për sa kohë ka gjithmonë diçka për të rregulluar. Ndaj herë tjetër, nëse keni diçka që nuk ju duhet, e dini se ku ta çoni.

LEXONI GJITHASHTU:

• Protesta e trazira në Selanik, pasi polici plagosi një 16-vjeçar nga komuniteti rom
• 70 kg kanabis në makinë, arrestohet 3 persona në Përmet, po çonin drogën në Greqi
• Asgjësohen mbi 116 mijë rrënjë kanabisi, Policia bën bilancin e vitit