“Të flasin ekspertët, jo ne”- Debate në komisionin e Tims, Gogu debat me Salianjin

Në Komisionin Hetimor për çështjen e të dhënave të sistemit TIMS, nënkryetari Toni Gogu, deklaroi se në mbledhjen e sotme duhen lejuar ekspertët që të flasin.

Gogut i është përgjigjur dhe deputeti i PD-së Ervin Salianji duke i thënë se sot është dita e planit të hetimit.

Mes tjerash ai theksoi se kreu i qeverisë Edi Rama, është i pari që duhet të kthejë përgjigje, ndërsa pati kritika dhe për Prokurorinë e Përgjithshme.

“Këtë moment të përgatitjes së draftit e drejtojnë ekspertët. Propozoj të dëgjohen ekspertët deri në fund dhe pasi ata s’kanë gjë për të thënë të hapet një seancë pyetjesh. Kjo është dita e ekspertëve, jo e jona që të vazhdojmë me gjyqin e radhës. Menjëherë t’i kthehemi normalitetit dhe t’i shmangim komentet pezhorative të tipit që “sot nuk është dita e teorisë”, deklaroi Gogu.

“Sot e dakordësuar nga Komisioni dhe nga detyra të ngarkuara nga ekspertët është dita  e paraqitjes të planit të hetimit. Unë në këtë funksion që kam, duke qenë se përfaqësoj nismëtarët kam pyetje. Sot nuk është dita e teorisë. Rama nuk kthen përgjigje, dhe në raport me ligjin është i barabartë. Prokuroria nuk sjellë ende përgjigje Komisionit të Hetimit. Kaq punë ka Prokuroria? Sot është dita që siç është dakordësuar dhe siç u është lënë kohë të prezantohet plani i hetimit dhe jo strategji për këtë plan”-tha Salianji.

LEXONI GJITHASHTU: 

• “Nuk rrini dot pa kartolinë nga Rama”- Përplasje në komisionin e Tims-it
• Komisioni për TIMS, miratohen kërkesat për informacion për ekspertët