Tirana dhe Vlora më të preferuarat, rritet ndjeshëm turizmi i brendshëm në Shqipëri

Interesi i qytetarëve shqiptarë për të vizituar qytete dhe zona jashtë vendbanimit është rritur këtë vit.

Të dhënat tregojnë se rajonet më të frekuentuara janë Tirana, Vlora, Korça dhe Durrësi.

Gushti dhe dhjetori janë dy muajt më të preferuar për të kaluar disa ditë pushimi, me nga 13.9% të totalit për secilin muaj ndërsa më pas vijnë korriku dhe qershori, ndërsa muajt e tjerë kanë më pak lëvizje.

Sipas të dhënave të INSTAT, Tirana ka numrin më të lartë të vizitave, me 15% të qytetarëve që preferojnë të kalojnë kohë jashtë qytetit të tyre ndërsa pas saj renditen Vlora, Korça dhe Durrësi.

Janë regjistruar mbi 3 milionë udhëtime brenda vendit nga Instituti i Statistikave, që përfaqësojnë një rritje prej 43% krahasuar me një vit më parë.

Në këtë kontekst, hotelet brenda vendit kanë shënuar rritje të prenotimeve nga vetë shqiptarët, me një rritje prej 8.4%.

Kategoria “Pushime dhe kohë e lirë” përbën pjesën më të madhe të qëllimeve të udhëtimeve, ndjekur nga ato për “vizita te të afërm dhe miq”.

Për sa u përket udhëtimeve jashtë vendit, Italia dhe Greqia mbeten destinacionet kryesore, për shkak edhe të numrit të lartë të emigrantëve shqiptarë në këto vende.

Pas tyre renditen Gjermania, Anglia, Franca dhe të tjera.

Ndërkohë, kryeministri Edi Rama ka reaguar pas lirimit të hapësirave publike në Vlorë, duke deklaruar se një tjetër sipërfaqe në zonën e Lungomares i është kthyer turistëve.

LEXONI GJITHASHTU:

• Shqiptarët afrohen me librin, verës shtohet edhe interesi nga turistët
• Vlorë/Vijon aksioni i lirimit të hapësirave publike, mjete të hequra e mbi 100 gjoba