Tiranë/ I arrestuar në Itali për vrasje e drogë, sekuestrohen pasuritë e autorit

Prokuroria e Tiranës ka sekuestruar pasuritë e shtetasit me tre emra, V.D. alias E.D. alias E.D. dhe familjarëve të tij, i arrestuar në Itali për veprat penale të “Vrasjes me paramendim” mbetur në tentativë dhe “Prodhimi dhe shitja e narkotikëve”.

Pas kërkesës së Prokurorisë, janë sekuestruar një apartament në Tiranë dhe dy llogari bankare të regjistruara në emër të shtetasit dhe familjarëve të tij, pasi është konstatuar se vlera e këtyre pasurive nuk mund të justifikohet nga të ardhurat e ligjshme të tyre.

Hetimet kanë nxjerrë dyshime se këto pasuri janë fituar si rezultat i aktiviteteve kriminale të shtetasit V.D., veçanërisht në lidhje me trafikun e narkotikëve.

Në vitin 2005, ndaj shtetasit V.D. ishte shpallur kërkimi ndërkombëtar për vrasje dhe trafik narkotikësh, por kërkimi u anulua pasi ai u arrestua në Itali. Sipas hetimeve të Prokurorisë, pasuria e pajustifikueshme është drejtpërdrejt në pronësi të shtetasit V.D. dhe nënës së tij.

Për të parandaluar krimin e organizuar dhe pastrimin e parave nga aktivitete kriminale, Prokuroria ka kërkuar sekuestrimin e pasurive të mëposhtme:

1. Pasuria e paluajtshme: Apartamenti Nr. 214/342+1-46, Zk. 3866, Vol. 76, fq. 62, në Tiranë.

2. Llogaria bankare 1: Gjendje aktuale prej 1,097,636.86 lekë.

3. Llogaria bankare 2: Gjendje aktuale prej 1,601,434.50 lekë.

LEXONI GJITHASHTU:

• Zbardhen 6 vjedhje në Tiranë, arrestohet 40-vjeçari, i dënuar më parë
• Dega e PS në Vlorë kërkon zgjatjen e orarit të votimit për shkak të “Giro d’Italia”