Tiranë/ Vodhi një market në orët e para të mëngjesit, arrestohet 32-vjeçari

Një 32-vjeçar është arrestuar nga Policia e Tiranës menjëherë pas një vjedhjeje me thyerje të ndodhur në orët e para të mëngjesit të sotëm, në një market në Rrugën e Dibrës.

Sipas njoftimit zyrtar, shërbimet e Komisariatit të Policisë Nr. 4 organizuan menjëherë punën për identifikimin dhe kapjen e autorit, pas marrjes së informacionit për vjedhjen. Si rezultat i ndërhyrjes së shpejtë, u bë e mundur kapja në flagrancë e shtetasit E. P., 32 vjeç, banues në Tiranë, i cili rezulton me precedent penal në fushën e vjedhjeve.

Gjatë kontrollit në banesën e tij, policia sekuestroi shumën e parave të vjedhura, veshjet e përdorura gjatë kryerjes së krimit, si dhe një send të fortë që dyshohet se është përdorur për thyerjen e xhamit të marketit.

Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme hetimore.

LEXONI GJITHASHTU:

• Grupi legjendar i rock-ut ‘Scorpions’ rikthehet pas 24 vitesh me koncert në Tiranë
• A do të bojkotojë PD zgjedhjet për kreun e Bashkisë së Tiranës? Përgjigjet Berisha