“Tituj bombastik, lajme pa përmbajtje”, gazetarja: Sot abuzohet shumë nga portalet

Gazetarja Eneida Xhelili tha për “Good morning Albanians” në Euronews Albania se sot është titulli ai që godet e për këtë arsye abuzohet shumë nga portalet.

Në një kohë kur interesi për të lexuar lajme po bie, gazetarja u shpreh se ajo që bëjnë portalet është marrja e informacionit nga burime të pakonfirmuara, vendosja e një titulli tërheqës, ndërsa brendia e lajmit është pa kuptim ose në pjesën më të madhe të rasteve një lojë fjalësh.

“Titulli është ai që godet dhe kur ti i hyn më pas brendisë…abuzohet shumë, sidomos nga portalet. Nuk po i referohem rrjeteve sociale, TikTok-ut e të tjerë, ato nuk i konsideroj fare si burim informacioni, ato mund të jenë burime ndodhie të një momenti të caktuar që dikush është në atë vend, e kap dhe e publikon, por ka edhe shumë që e keqpërdorin. E keqpërdorin për funksione negative kundrejt personave, grupimeve të caktuara dhe interesave të caktuara, sepse ne e dimë që lajmi e ka edhe këtë lloj misioni që shpesh herë përdoret siç është përdorur dhe orientohet për shkak të interesave politike, ekonomike e të tjera,” – u shpreh Xhelili.

LEXONI GJITHASHTU:

• Bie interesi i njerëzve për të lexuar lajme, studimi paraqet shifrat
• Rusia paralajmëron marrëveshje tregtare me Iranin