“Tradita familjare ka humbur”, Pogaçi: Nuk e festojmë më Vitin e Ri si më parë

Analistja e biznesit, Mira Pogaçi tha në një intervistë për “Review” në Euronews Albania se tradita familjare sa vjen dhe humb.

Diçka e tillë dallohet që në momentin që festimet për fundvit festohen kudo tjetër, por jo në shtëpi, pranë familjarëve.

“Unë për shembull, festat e fundvitit më vjen keq ta them, por synoj t’i kaloj jashtë Shqipërie sepse për mua nuk ka një paketë interesante. Në Korçë kam qenë, Shkodra më pëlqeu, do shkoj ta shoh nga afër para datës 31, por që për mua festa e fundvitit është shumë e rëndësishme kur ka një kontekst brenda. Tradita familjare mund të them që ka humbur dhe unë Vitin e Ri, siç e kam bërë te shtëpia e mamasë dhe babait tim, nuk e kam të organizuar në shtëpinë time,” – u shpreh Pogaçi.

Ajo tha se emisioni Review dhe bashkëbisedimi me të ftuarat e ndihmoi të reflektojë dhe këtë vit do përpiqet t’i jetëzojë pak më tepër traditat që me kohën duket sikur janë harruar.

LEXONI GJITHASHTU:

• “Garë e këndshme mes bashkive”, analistja: Vetëm Korça me plan festash
• Korça gati për festa, destinacioni i mijëra turistëve në dhjetor