Trajnerja e meditimit: Mendimet e pavetëdijshme na ngarkojnë trurin

Trajnerja e meditimit, Jori Çomani thotë se mendimet e pavetëdijshme ngarkojnë trurin e njeriut.

Në emisionin “Good Morning Albanians” në Euronews Albania, Çoman u shpreh se ky rast, nuk është i lidhur domosdoshmërisht me mirëqënien e ndjenjave dhe emocioneve.

“Ndryshimi ishte shumë i qartë, që ishin mendimet e pavetëdijshme. Pra, në momentin që ti je i pavetëdijshëm për mënyrën se si mendon, për rrjedhën e mendimeve të tua, për fluksin mbi të gjitha të mendimeve, sepse ka të bëjë edhe sasia e mendimeve të tepërta, automatikisht, pa u kuptuar ngarkon edhe trurin, ngarkon edhe mendjen. Automatikisht, ne jemi në një gjendje të pavetëdijshme.

Ne mendojmë sikur jemi të përgjegjshëm, por logjika, të jesh i logjikshëm nuk do të thotë të jesh i vetëdijshëm. Nuk është domosdoshmërisht me mirëqënien e  ndjenjave dhe emocioneve. Energjia e mëngjesit mund të përdoret në një formë shumë të mirë”, theksoi ajo.

LEXONI GJITHASHTU

• I riu që la punën si programues për t’iu dedikuar meditimit
• Njeriu i mjekësisë ndryshe – Hetem Ramadani