Tre ditë para protestës, Berisha largon Ervin Salianjin si drejtues politik

Tre ditë përpara protestës së paralajmëruar të opozitës, kryetari i Partisë Demokratike, Sali Berisha, ka vendosur të largojë Ervin Salianjin nga detyra e drejtuesit politik të Njësisë Administrative nr. 6 në kryeqytet. Salianji e mbante këtë detyrë në kuadër të zgjedhjeve të anuluara të parakohshme për Bashkinë Tiranë ku do të kandidonte Florian Binaj.

Vendimi merret në një periudhë të ngarkuar për opozitën, ndërsa përgatitjet për protestën e së hënës, më 22 dhjetor, janë në fazën përfundimtare.

Deri tani nuk ka një qëndrim publik nga Ervin Salianji lidhur me këtë vendim, ndërsa Partia Demokratike nuk ka bërë të ditur emrin e pasuesit në krye të Njësisë 6.