Tre lëvizjet që pritet të bëj PD në protestën e së hënës, gazetari jep detajet

Gazetari i Euronews Albania, Ardit Hoxha, në një lidhje live nga selia e Partisë Demokratike këtë të enjte ndau disa nga detajet për mënyrën se si Partia Demokratike do të zhvillojë protestën, e cila do të organizohet ditën e hënë, para Kryeministrisë, në orën 18:00.

Sipas tij, PD po shkon drejt një lloj radikalizimi të qasjes dhe aksioneve të saj, bazuar në paralajmërimin që erdhi ditën e djeshme nga Berisha, i cili e cilësoi si “foltore përpara Kryeministrisë”.

“Edhe në Komisionet parlamentare, PD e ka ashpërsuar retorikën e saj dhe ka paralajmëruar protesta të vijueshme, përveç asaj që do të zhvillohet të hënën, në orën 18:00, përballë Kryeministrisë. Do të nisë një lloj konsultimi, komunikimi me bazat e strukturës së PD, për të realizuar brenda këtyre javëve një protestë të madhe kombëtare në bulevardin qëndror të Tiranës. Protesta, sipas Sali Berishës, do të ketë tre objektiva kryesore, dorëheqjen e tre ministrave, të cilët sipas tij, për shkak të skandaleve të javëve të fundit, duhet të largohen nga kabineti qeveritar, duke nisur me zv.kryeministren Belinda Balluku, ministren e Brendshme Albana Koçiu dhe ministrin e Mbrojtjes Pirro Vengu. Ky është vetëm hapi i parë i kërkesave, pasi hapi final është largimi i qeverisë Rama, ku sipas Berishës përgjegjësi kryesor është vetë Rama. Kjo protestë mund të jetë një përsëritje e protestave të vitit të shkuar përballë Bashkisë së Tiranës, ku protestat nuk ishin konsistente çdo ditë, por zhvilloheshin në të njëjtin orar dhe me të njëjtat kërkesa për më shumë se katër muaj, duke kulmuar me largimin nga zyra të Kryetarit të Bashkisë, Erion Veliaj. Kjo është një nga rrugët që PD mund të ndjekë në këtë protestë, ku mund të bjerë në përsëritje të aksionit të saj ose mund të sjellë një risi”, -u shpreh Hoxha.

LEXONI GJTIHASHTU:

• “Opozita nga e hëna në protestë”, Deputeti i PD jep detajet e organizimit
• Berisha njofton ditën e protestës së Partisë Demokratike