Tre veprat penale për të cilat akuzohet ish-zyrtarja, Alda Klosi

Policia e Shtetit ka dhënë informacion zyrtar në lidhje me arrestimin e ish-zyrtares, Alda Klosi.

41-vjeçarja akuzohet për tre vepra penale, “Refuzim për deklarim, mos deklarim, fshehjen ose deklarim i rremë i pasurive, interesave private të personave të zgjedhur e nënpunësve publik, ose i çdo personi tjetër që ka detyrimin ligjor për deklarim”, “Pastrimi i produkteve të veprës penale ose të veprimatrisë kiminale” dhe “Deklarata e rreme përpara oficerit të policisë gjyqësore”.

Në njoftim, thuhet se specialistët e Seksionit për Hetimin e Pastrimit të Parave dhe Asetet Kriminale ekzekutuan urdhrin e Prokurorisë së Rrethit Gjyqësor Tiranë.

Ndërkohë, gazetarja e Euronews Albania, Sara Demushi raportoi se sanitarja, Rozeta Dobi ka deklaruar ndër të tjera se ka pasur një marrëdhënie shoqërore me Klosin, por kjo e fundit e ka mohuar diçka të tillë.

Dobi ka thënë se ajo nuk i ka vjedhur paratë nga shtëpia e ish-zyrtares, por e gjitha ishte një inskenim, pasi Klosi donte të ngarkonte me përgjegjësi bashkëshortin e saj, me të cilin kishte konflikte.

Sanitarja u shpreh se në dhjetor të vitit 2022, Klosi i kishte kërkuar që paratë që gjendeshin në kasafortë, t’i merrte dhe t’i dërgonte në banesën e saj.

Shoqërimi i Klosit u bë në orën 18:00 të së premtes dhe u arrestua në mbrëmje.

LEXONI GJITHASHTU

• ‘Vjedhja ishte një inskenim’, sanitarja: Alda Klosi donte të fajësonte bashkëshortin
• Iu vodhën mijëra euro nga pastruesja, arrestohet Alda Klosi
• Toka dhe 5 apartamente, zbulohet pasuria e Alda Klosit