‘Tronditen themelet e politikës’ Baçi me deklaratë të fortë, Koçi: Furtunë politike!

Deputeti i Partisë Socialiste, Petro Koçi dhe ai i Partisë Demokratike, Luan Baçi debatuan në studion e Euronews Albania lidhur me akuzat në drejtim të kryeministrit Edi Rama pas arrestimit të ish-zyrtarit të FBI, Charles McGonigal.

“Dëmtimi i marrëdhënieve me SHBA bëhet nga Rama, të arrish të korruptosh shefin e kundërzbulimit. Ai ka qenë në detyrë kur është takuar me Ramën, të bësh 4-5 takime të painformuara dhe të dalë se ka marrë bakshish nga njerëz pranë kryeministrit, nuk them se këto janë fakte që i ka nxjerrë gjykata, do gjykohet dhe do të nxjerrin të vërtetën në shesh. Ne nuk kërkuam t’i bëjmë gjyqin Ramës, kërkuam të qartësojë situatën”, tha Baçi.

Koçi nga ana e tij e cilësoi një gjë normale që një zyrtar i atij niveli si McGonigal të takohet me kryeministrin e Shqipërisë. Fakti që ai nuk i ka raportuar këto takime sipas Koçit, është çështje e tij personale.

LEXONI GJITHASHTU:

• Manjani për skandalin me ish-zyrtarin e FBI: Rama do thirret në SHBA për të dëshmuar
• Genc Burimi: Rama duhet të hetohet në Shqipëri, ka emrin në një dosje jashtë vendit