“Trump pagoi heshtjen e aktores së filmave pornografik”, gazetarja zbulon akuzat

Menada Zaimi, gazetarja e zërit të Amerikës ka zbardhur në një lidhje direkte për emisionin “Now”, disa nga akuzat që janë ngritur për ish-presidentin amerikan Donald Trump.

Sipas gazetares, në seancën e sotme një nga akuzat e bëra për ish-presidentin është ka të bëjë me pagesën prej 130 mijë dollarësh që i kishte bërë aktores Stormy Daniels në vitin 2016, në përpjekje për të blerë heshtjen e saj për një marrëdhënie jashtëmartesore.

“Janë katër hetime që po zhvillohen për Donald Trump. në këtë të sotmen po bëhet njohja me aktakuzën e parë e cila ka lidhje me pagesën prej 130 mijë dollarësh e bërë gjatë fushatës elektorale të vitit 2016 për zgjedhjet presidenciale nga ish-avokati i Donald Trump, Michael Cohen për aktoren e filmave pornografik me qëllimin për të siguruar heshtjen e kësaj të fundit për të mos folur për një marrëdhënie seksuale që ajo pretendon se ka pasur me zotin Trump.

Cohen i cili është dënuar për këtë çështje, ka deklaruar se pagesën e ka bërë i udhëzuar nga zoti Trump. Trump e ka mohuar akuzën, por nga ana tjetër ka thënë se  kjo pagesë është bërë me qëllimin për të shuar më shumë stresin që po i shkaktonte duke e shantazhuar aktorja Stormy  Daniels. por kjo është vetëm njëra nga akuzat”,-tha për Euronews Albania gazetarja Menada Zaimi.

LEXONI GJITHASHTU:

• Lela shpjegon arrestimin e Trump: Lëvizje politike! Ja çfarë i është gjetur Biden
• BE kritikon Kinën për mbështetjen ndaj Rusisë në luftën kundër Ukrainës
• Ilir Meta prezanton kandidatin e “Bashkë fitojmë” për Lezhën